Love Shero Shayari in Urdu

love shero shayari in urdu

Aaj phir rooh mein ek barq si lahraati hai
Dil ki gehrai se rone ki sada aati hai
Yun chaTakti hain KHarabaat mein jaise kaliyan
Tishnagi saghar-e-labrez se Takrati hai
Shola-e-gham ki lapak aur mera nazuk sa mizaj
Mujh ko fitrat ke rawaiyye pe hansi aati hai
Maut ek amr-e-musallam hai to phir ai saqi
Rooh kyun zist ke aalam se ghabrati hai
So bhi ja aye dil-e-majrooh bahut raat gayi
Ab to rah rah ke sitaron ko bhi neend aati hai
Aur to dil ko nahi hai koi takleef ‘adam’
Han zara nabz kisi waqt Thehar jati hai
***Abdul Hameed Adam***

Love Shero Shayari

Treading

More Posts